"Kəpəz"in "Sumqayıt"a məğlub olduğu (0:3) oyundan sonra çox yorğun görünən bölgə klubunun baş məşqçisi Azər Bağırovdan bunun səbəblərini soruşanda "daxildə problemlər var" - demişdi.
Üzərindən 20 gündən artıq zaman ötməsinə baxmayaraq, "Səbail"lə qarşılaşmanın gedişində və sonra təcrübəli mütəxəssisin üzündə eyni cizgilər diqqətdən qaçmırdı.
Matçdan sonra bu dəfə Bağırova "Simanızdakı yorğunluq çalarları davam edir, bu, daxildəki problemlərin hələ də qalmasına bir işarədirmi" sualını ünvanladıq.
41 yaşlı çalışdırıcının cavabı belə oldu:
"Komanda daxilində olan problemlərdən danışmağa dəyməz. Sadəcə futbolçular bir siqnalım vardı, onlar da başa düşdü. Komanda daxilində olanlar bizimlə qəbrə getməlidir.
Problemlər yoxdur. Sadəcə "Səbail"lə görüşdəki nəticə məni məyus etdi. Bir səhv etdik və bir qol buraxdıq. Buna görə əsəbiyəm.
Digər məsələlər hamısı qaydasındadır. Klub daxilində şükürlər olsun ki, heç bir problemimiz yoxdur. Sadəcə oyun baxımından nəsə çatmır.
İradım da sırf futbolçuların ayılması üçün bir siqnal idi. Vaxt qısaldıqca daha məsuliyyətli olmalıdırlar. Düzdü, çox böyük iş görümüşük. Amma hələ iş bitməyib. Qarşıda 8 tur var. Gəncədə futbol qalmalıdır, yaşamalıdır".
XANOĞLAN / SPORTİNFO.AZ
.jpg)
_2.jpg)
_1.jpg)
