Premyer Liqanın 25-ci turu «Kəpəz»ə uğur gətirdi.
Ev oyunlarını Tovuzda keçirən Gəncə təmsilçisi hesabat həftəsində «Neftçi» ilə üz-üzə gəldi və 3 xal qazandı.
«Sarı-göylər»ə qələbə bəxş edən yeganə qolu 51-ci dəqiqədə Şevroni Mabatşoev vurdu.
Əldə olunan zəfər Nizami yurdunun təmsilçisini son pillədən bir qədər də uzaqlaşdırdı.
Artıq onlarla «Səbail» arasında 4 xallıq fərq əmələ gəlib. «Kəpəz» bununla 8-ci sıradakı «Sumqayıt»la xallarını da bərabərləşdirmiş oldu.
Gəncəli futbolçular matçdan sonra klubun yeni rəhbərliyini paltardəyişmə otağına səsləyib. Maraqlı hadisə də bu zaman baş verib: oyunçuların 2500 manat mükafat istəyini eşidən rəsmilərdən yalnız İlqar Nadiri içəri keçib.
İdarə Heyətinin sədri əsas heyətdə meydana çıxanların hər birinə 2000 manat ödəniləcəyini bildirib.
SPORTİNFO.AZ
.jpg)
