_qarlamas_cari_empionatn_n(h.jpg)
Premyer Liqanın 20-ci turunun maraqlı qarşılaşmalarından biri Bayılda keçiriləcək.
Liqada qalmaq uğurunda mübarizə aparan "Səbail" doğma meydanda "Kəpəz"i qonaq edəcək.
Hər iki kollektiv mövsümün ikinci yarısına uğurlu start verib.
"Qartallar" səfərdə "Sumqayıt"ı (2:0), "Kəpəz" isə evdə "Turan Tovuz"u məğlub edə (5:2) bilib.
Görəsən, uğurlu çıxışın davamını hansı tərəf bu matçda da gətirə biləcək?
Qərb təmsilçisinin braziliyalı forvardı Luis Paçu iddialı danışıb.
O, Sportinfo.az-a açıqlamasında hədəflərinin yalnız qələbə olduğunu dilə gətirib:
"Son oyunda həm "Səbail", həm də biz qalib gəlmişik. Qarşıda onlarla çətin matçımız var.
Həftə ərzində yaxşı məşqlərimiz keçib. Qalib gələcəyimizə inam böyükdür. Bu məqsəd üçün meydana çıxacağıq".
XANOĞLAN
_1.jpg)
