"Hər kəs planlaşdırdığı bütün işləri yaxşı yerinə yetirdi. Həm dincələ bildik, həm də kollektiv olaraq idman formamızı yaxşılaşdırdıq. Və ən əsası bu vaxtı zədəsiz keçirmək mümkün oldu".
Bu fikirləri Sportinfo.az-a açıqlamasında qış toplanışını dəyərləndirən "Kəpəz"in müdafiəçisi Yeqor Xvalko dilə gətirib.
Belaruslu müdafiəçisi mövsümün ikinci yarısının ilk matçında üz-üzə gələcəkləri "Turan Tovuz"la qarşılaşma barədə də danışıb:
"Oyuna yaxşı əhval-ruhiyyədə hazırlaşırıq. Bizim üçün vacib görüşdür. Yaxşı nəticəyə böyük inamımız var".
Kapitan "Premyer Liqanı tərk etməyinizə nə səbəb ola bilər" sualına isə belə cavab verib: "Komandada heç kim düşünmür ki, biz liqanı tərk edə bilərik. Daxildə yaxşı əhval-ruhiyyə var. İnanıram ki, mövsümün ikinci hissəsində daha da təkmilləşib tapşırığı yerinə yetirəcəyik".
XANOĞLAN
