"Azər Bağırova da demişəm ki, 2025-ci ilə axırıncı yerdə getməsək, yanvarda komandaya 2-3 yeni legioner də gətirəcəm.
Haradan olsa, o pulu tapacam ki, heyəti gücləndirək".
Bu fikirləri "Şamaxı" üzərində qələbədən sonra "Kəpəz"in idarə heyətinin sədri İlqar Nadiri dilə gətirmişdi.
Bağırov rəhbər şəxsin şərtini yerinə yetirə bildi.
"Səbail"i iki xal qabaqlayan bölgə klubu qış fasiləsinə 9-cu pillədə yollandı.
Qış fasiləsi isə artıq iki həftədən artıqdı başlayıb.
Komanda üzvləri istirahətdən qayıdıb, məşqlər bərpa olunub.
Hətta "Kəpəz"i tərk edən adlar da var.
Amma Nadirinin vəd verdiyi həmin 3 əcnəbini gördüm deyən yoxdur.
Görəsən, qarşıdakı qısa müddətdə rəhbər şəxs vədinə əməl edə biləcəkmi?
Gözləyək...
XANOĞLAN/ SPORTİNFO.AZ
