«Kəpəz»də sürpriz ayrılıq baş verib.
Gəncə təmsilçisi ötən ilin sentyabrında sıralarına qatdığı Orxan Əliyevlə vidalaşıb.
Premyer Liqanın cari mövsümündə 7 qol vuran və bununla komandasının ən məhsuldar siması olan hücumçu artıq düşərgəni tərk edib.
Orxan Əliyev Azərbaycan çempionatlarında 30 qol vurub. 29 yaşlı forvard indiyədək 169 matça çıxıb. Əliyev “Sumqayıt”da 14, “Araz-Naxçıvan”da 9, “Kəpəz”də 7 dəfə fərqlənib.
O, oynadığı klublardan “Xəzər Lənkəran”la “Zirə”də qol hesabını açmayıb. Gəncə klubunun üzvü Azərbaycan çempionatları tarixində 30 və daha çox qol vuran 102-ci oyunçudur.
Orxan bu siyahıda Kamal Quliyev, Valter Quqlemon və Ceyhun Sultanovla 99-102-ci yerləri bölüşdürür. “Kəpəz” hazırda turnir cədvəlində 10 xalla doqquzuncudur.
SPORTİNFO.AZ
