«Bizim transfer siyahımızda bu adda futbolçu yoxdur».
Bu sözləri Sportinfo.az-a açıqlamasında «Kəpəz»in baş məşqçisi Azər Bağırov deyib.
Sosial şəbəkələrdə yayılan iddialara görə, Gəncə təmsilçisi İtaliyadan hücumçu gətirmək istəsə də, transfer baş tutmayıb.
Belə ki, “sarı-göylər” B Seriyasında çıxış edən “Breşiya”dan Trent Buxaqyar ilə maraqlanıb.
Ancaq qeyd olunur ki, “Kəpəz” maltalı forvardla maliyyə şərtlərində razılıq əldə edə bilməyib.
Bağırov isə 26 yaşlı Trentlə bağlı heç bir planlarının olmadığını bildirib:
«Onun barədə ilk dəfə sizdən eşidirəm. Açığı, maraq dairəmizdə olan bir neçə legioner var. Onların heç biri İtaliyada çıxış etmir».
