«Mənim üçün qarşımdakının kim olması vacib deyil».
Bu sözləri Sportinfo.az-a açıqlamasında «Kəpəz»in kapitanı Yeqor Xvalko deyib.
Premyer Liqanın 17-ci turu çərçivəsində keçirilən «Neftçi» - «Kəpəz» qarşılaşması (2:1) həm də ölkəmizdə çıxış edən iki belaruslu Yeqorların - Xvalko ilə Boqomolskinin rəqib qismində qarşılaşması idi.
Biri müdafiəçi, digəri hücumçu. Maraqlıdır, bu cür qarşılaşmalarda onların arasında prinsipiallıq olur, yoxsa sıradan matç kimi yanaşırlar?
Xvalkonu dinləyək:
“Yox-yox, hansısa prinsipiallıqdan söhbət gedə bilməz. Bəli, həmyerlimdir, onunla görşüb danışmaq xoşdur.
Məğlubiyyətin adı məğlubiyyətdir. Rəqib Boqomolskinin komandasıdır, yaxud başqası - fərq etmir.
Yeqorla Belarusdan tanışıq. Düzdür, orada sadəcə, tanış idik.
Azərbaycana gələndən sonra daha çox danışmağa başlamışıq. Münasibətlərimiz çox-çox yaxın olmasa da, normaldır”.
