.jpg)
«Kəpəz» rəhbərliyi Adil Şükürovun səhvləri düzəltmək üçün səfərbər olub.
Keçmiş baş məşqçinin istəyi ilə transfer edilən, lakin Premyer Liqanın standartlarına uyğun gəlmədiyi ilk həftələrdə bilinən oyunçuların siyahısı müəyyənləşdirilib.
Gəncəlilər qeyri-qənaətbəxş nəticlərə görə istefaya göndərdiyi Şükürovun ardınca onları da yola salmağı qarşısına məqsəd qoyub.
Redon Mihana da onlardan biridir. Nizami yurdunun təmsilçisi iyulda 25 yaşlı legionerlə 1+1 illik müqavilə bağlayıb.
Mihana yarımmüdafiənin hər iki cinahında oynaya bilir.
Karyerasında ilk dəfə legioner həyatı yaşayan futbolçu son olaraq ölkəsində "Erzeni"nin formasını geyinib. Abaniyanın U-21 millisinin də şərəfini qoruyub.
Fəqət, o, gözləntiləri doğrultmayıb. Premyer Liqanın arxada qalan bölümündə olduqca pis təsir bağışlayan Mihanaya müqavəni qarışılıqlı razılıq əsasında pozmaq təklif olunub.
"Kəpəz" aAvqustun 22-də düşərgəyə cəlb olunan Keverton Resende Markolino ilə də yolları ayırmağı lazım bilib.
23 yaşlı yarımmüdafiəçi ilə imzalanmış "1+1" illik müqavilə pozulub.
Son olaraq vətənində "Hersilio Luz"un şərəfini qorumuş “sambaçı” məşqlərdə özünü pis göstərdiyi üçün yeni baş məşqçi Azər Bağırovun etimadını tez itirib.
SPORTİNFO.AZ
