AFFA prezidenti Rövşən Nəcəf «Kəpəz»in sponsor problemini öz nəzarətinə götürüb.
Aprelin 2-də federasiyanın başına keçən şəxs Gəncə klubuna yeni himayədar tapmaq üçün bütün əlaqələrini işə salıb.
SOCAR-a da rəhbərlik edən R.Nəcəf İqtisadiyyat Nazirliyi ilə bərabər, bu işə əncam çəkmək niyyətindədir. O, hesab edir ki, nazirliyin də yardımı ilə «Kəpəz»in ən böyük çətinliyinin həllinə nail olmaq mümkündür.
«Kəpəz»in mövcud vəziyyəti ilə bağlı hazırlanmış hesabatı incələyən AFFA prezidenti iyulun axırınadək sponsor məsələsinə nöqtə qoyulacağını düşünür.
Hər halda ona yaxın çevrə redaksiyamıza belə bir məlumat verib. Bildirildiyinə görə, Gəncədən olan iş adamlarına məxsus 2 şirkətlə bu istiqamətdə danışıqlar başlayıb.
SPORTİNFO.AZ
