“Yeni yığılan komandayıq, ilk turun oyunu olduğu üçün çətin idi.
Komandamız 70 faiz dəyişib. “Sumqayıt” da yaxşı kollektivdir, avrokuboklarda mübarizə aparıb.
Onlarla oyunda əlimizdən gələni etdik. Lakin təəssüf ki, yekunda məğlub olduq”.
Sportinfo.az xəbər verir ki, bu sözləri “Kəpəz”in yarımmüdafiəçisi Əli Səmədov Premyer Liqanın ilk turunda səfərdə “Sumqayıt”a 0:2 hesabı ilə uduzduqları oyun barədə danışarkən deyib.
O qeyd edib ki, özünə gəlməsi üçün “Kəpəz”ə 1 ay vaxt lazımdır: “3-cü mövsümdür ki, bizə autsayder gözü ilə baxırlar.
Buna öyrəncəliyik. Autsayder olmadığımızı sübut etmək üçün əlimizdən gələni edəcəyik.
Komandada yeni futbolçuların sayı çoxdur. 3-4 turdan sonra daha yaxşı formada olacağıq. Bizə 1 ay vaxt lazımdır”.
