Azərbaycan Premyer Liqasında bu gün II tura start veriləcək.
İlk oyun günündə bir qarşılaşma baş tutacaq.
Son ölkə çempionu "Qarabağ" "Azərsun Arena"da "Kəpəz"i qəbul edəcək. Görüş saat 20:00-da başlayacaq.
İlk turda "Qarabağ" "Araz Naxçıvan"ı 4:1 hesabı ilə üstələyib. "Kəpəz" isə səfərdə "Sumqayıt"a yenilib - 0:2.
Gəncə təmsilçisinin müdafiəçisi İlkin Qırtımov Sportinfo.az-a açıqlamasında bildirib ki, asan təslim olmaq fikrində deyillər:
"Düzdür, çətin olacaq, amma bu o demək də deyil ki, hər oyuna əl-qolumuzu yanımıza salaraq meydana çıxacağıq.
Buradayıqsa, bu komanda üçün əlimizdən gələni etməliyik. Turnir cədvəlinin alt sıralarında yer almaq istəmirik.
Yenə də hər şeyi zaman göstərəcək”.
