“Kollektivdə məni çox yaxşı qarşıladılar”.
Bu sözləri Sportinfo.az-a açıqlamasında “Kəpəz”in yeni transferi Mahamadu Ba deyib.
Gəncə təmsilçisi malili yarımmüdafiəçi ilə mövsümün sonuna kimi müqavilə imzalayıb.
25 yaşlı afrikalı karyerası ərzində Türkiyə klublarında forma geyinib. O, "Ərzurumspor", "Adana Dəmirspor", "İstanbulspor" və "Tuzlaspor"da oynayıb.
"Ərzurumspor" və "İstanbulspor"un heyətində Türkiyə Super Liqasında çıxış edib.
Ba artıq yeni ölkədədir. Təəssüratlarını eşitmək maraqlıdır. Görək, nə deyir:
“Gəldiyim gündən məşqçilər heyəti və futbolçu yoldaşlarım mənə isti münasibət göstərməklə uyğunlaşmağıma yardımçı oldular.
Bu gün özümü meydanda rahat hiss etməyimin əsas səbəblərindən biri elə bu idi. Narazılıq edəcəyim heç nə yoxdur”.
