“Milan”ın yarımmüdafiəçisi Ticani Reynders karyerasını İngiltərə Premyer Liqasının top-klubunda davam etdirə bilər.
Sportinfo.az xəbər verir ki, bu barədə “Todofichajes” nəşri məlumat yayıb.
Yay transfer pəncərəsində komandanın yarımmüdafiə xəttini gücləndirmək niyyətində olan “Mançester Siti” niderlandlı oyunçunu heyətinə qatmaqda maraqlıdır. Onun potensial transfer dəyəri 50-60 milyon avro arasında ola bilər.
26 yaşlı Reynders İtaliya çempionatının cari mövsümündə “Milan”ın heyətində 30 oyun keçirib, 9 qol vurub və 3 məhsuldar ötürmə edib.
Onun klubu ilə hazırkı müqaviləsinin müddəti 2030-cu ilin yayında başa çatacaq.
.jpg)
