“Yuventus”un sabiq baş məşqçisi Tiaqo Motta Turin klubundan qovulmasının səbəblərindən birinin futbolçularla münasibətlərinin pis olması haqda deyilənləri cavablandırıb.
Sportinfo.az xarici KİV-ə istinadən xəbər verir ki, italiyalı mütəxəssis “Yuventus”da olarkən bütün oyunçularla həm peşəkar, həm də insani nöqteyi-nəzərdən əla münasibətlərinin olduğunu bildirib:
“Bir məşqçi kimi məni qərarlarıma görə tənqid edə bilərsiz, bunu qəbul edirəm. Amma kim deyirsə ki, paltardəyişmə otağında idarəçiliyi itirmişəm, bu, absurddur.
Birlikdə işlədiyim heç bir futbolçu mənimlə problemi olduğunu deməyib. “Yuventus”da bütün oyunçularla həm peşəkar, həm də insani nöqteyi-nəzərdən əla münasibətlərim olub.
Az oynayan futbolçuların daha çox narazı olması normaldır. Mən də futbolçu idim və meydana çıxmayanda məyus olurdum. Amma həmişə baş məşqçinin qərarlarına hörmətlə yanaşmışam, “Yuventus”un futbolçuları da.
Pərdə arxasında belə söhbətləri təkəbbürlü və nalayiq hesab edirəm, çünki futbolçularla münasibətlərim əla idi. Bu uşaqlar həmişə əllərindən gələni ediblər”.
Motta ötən yaydan 23 mart 2025-ci ilə qədər “Yuventus”un baş məşqçisi vəzifəsində çalışıb.
.jpg)
