PSJ-dən icarəyə götürülən hücumçu Randal Kolo-Muaninin “Yuventus”da gələcəyi qeyri-müəyyən olaraq qalır.
Sportinfo.az xarici KİV-ə istinadən xəbər verir ki, turinlilər əvvəllər icarə müddəti bitdikdən sonra fransalı forvardla əməkdaşlığı davam etdirmək niyyətində olduqlarını açıq şəkildə bildirsələr də, baş məşqçi Tiaqo Mottanın qovulmasından sonra vəziyyət dəyişib.
“Yuventus” Kolo-Muanini transfer etmək və ya icarə müqaviləsini uzatmaq istədiyinə artıq əmin deyil.
PSJ 26 yaşlı futbolçu üçün 60 milyon avro istəyir, ona görə də, “Yuve” müqavilədən imtina edib yeni hücumçu axtarmağa başlaya bilər.
Kolo-Muani Turin klubunun heyətində 11 matçda iştirak edib, 5 qol vurub və 2 məhsuldar ötürmə verib.
.jpg)
