“Yuventus” bazar günü “Fiorentina” ilə oyunda zəif çıxış edərsə, nəticə uğursuz olarsa, klub tezliklə baş məşqçi dəyişikliyi edə bilər.
Sportinfo.az “Tuttosport”-a istinadən xəbər verir ki, Turin klubu Tiaqo Mottadan ayrılacağı təqdirdə, müvəqqəti və daimi məşqçi variantlarını gözdən keçirir. Əsas namizəd Roberto Mançinidir.
“Qoca sinyora” Səudiyyə Ərəbistanı millisindən ayrıldıqdan sonra komandasız qalan italiyalı mütəxəssislə təmasdadır.
Mançini “Yuventus”un baş məşqçi postuna namizədlər siyahısında Can Pyero Qasperini, Xavi, İqor Tudor, Stefano Pioli və Antonio Konteni qabaqlayır.
