“Feyenoord”un və Meksika millisinin hücumçusu Santyaqo Ximenez “Milan”a transfer olunub.
Sportinfo.az xəbər verir ki, bu barədə İtaliya klubunun mətbuat xidməti məlumat yayıb.
23 yaşlı forvard yeni klubu ilə 2029-cu ilə qədər müqavilə bağlayıb. O, “Milan”da 7 nömrəli forma altında çıxış edəcək.
Ximenez cari mövsümdə “Feyenoord”un heyətində 19 oyunda 16 qol vurub. Futbolçu Meksika yığmasında 32 qarşılaşmada 4 dəfə fərqlənib.
“Milan”ın müdafiəçisi Davide Kalabriya isə “Bolonya”da çıxış edəcək. 28 yaşlı oyunçu cari mövsümün sonuna qədər icarə əsasında “qırmızı-göylər”in şərəfini qoruyacaq.
Kalabriya 2015-ci ildən “Milan”ın formasını geyinir və bu müddət ərzində 272 oyuna çıxıb, 10 qol vurub.
