![Adı MY ilə hallanan müdafiəçi ilə müqaviləni uzadacaq](https://www.sportinfo.az/media/2024/07/29/dumfris-1170x700.jpg)
“İnter” müdafiəçi Denzel Dumfrislə müqavilə müddətinin uzadılması ilə bağlı razılığa gəlib.
Sportinfo.az “La Gazzetta dello Sport”-a istinadən xəbər verir ki, söhbət dörd mövsümlük – 2028-ci ilin ortalarına qədər olan müqavilədən gedir.
Müqavilə imzalansa, Dumfrisin maaşı mövsümə 4 milyon avro olacaq.
Eyni zamanda, “Mançester Yunayted”in hələ də təslim olmadığı qeyd edilir. İngiltərə klubu 28 yaşlı Dumfrisi çoxdan öz sıralarında görmək istəyir.
Niderlandlı futbolçu PSV-dən keçdikdən sonra – 2021-ci ilin yayından “İnter”də çıxış edir.