![35 milyon avro təklif olunacaq – 21 yaşlı hücumçu üçün](https://www.sportinfo.az/media/2024/07/23/matias-sule.jpg)
“Yuventus” İngiltərə Premyer Liqası klublarının marağında olan hücumçusu Matias Suleni satmağa hazırdır.
Sportinfo.az “Tuttosport”-a istinadən xəbər verir ki, “Vest Hem” argentinalı futbolçu üçün 35 milyon avro təklif etməyə hazırlaşır.
“Yuventus”un idman direktoru Kristiano Gintoli təklifi qəbul etməlidir.
Turin klubunun rəhbərliyi maliyyə vəziyyətini yaxşılaşdırmaq və yayda transfer büdcəsini artırmaq üçün Suleni satmaq istəyir.
Belə ki, turinlilər transfer pəncərəsi bağlanmadan bir çox mövqeləri gücləndirmək niyyətindədir.
Daha əvvəl bildirilmişdi ki, “Yuventus”un məşqçilər heyəti 21 yaşlı forvarda yeni mövsümdə sabit oyun praktikasına zəmanət verməyəcək.