![Avropa çempionu olan forvard "Milan"da - RƏSMİ](https://www.sportinfo.az/media/2024/07/19/20240719_1515491721388085.jpg)
"Milan" klubu hücum xəttini yeni oyunçu ilə gücləndirib.
Sportinfo.az xəbər verir ki, A Seriyası təmsilçisi "Atletiko"dan Alvaro Moratanı transfer edib.
Bu barədə klubun mətbuat xidməti məlumat yayıb.
İtaliya nəhəngi ispan forvard üçün Madrid təmsilçisinə 13 milyon avro təzminat ödəyib. " Milan" 31 yaşlı hücumçu ilə 2028-ci ilin yayına kimi nəzərdə tutulan müqavilə imzalayıb.
"Atletiko" Alvaro Moratanı 2020-ci ilin yayında "Çelsi"dən transfer edib.
İspaniya millisi ilə Avropa çempionu olmuş futbolçu ötən mövsüm La Liqa təmsilçisinin heyətində meydana çıxdığı 48 rəsmi matçda 21 qol və 5 məhsuldar ötürmə ilə yadda qalıb.