İspaniya millisinin və “Barselona”nın sabiq qapıçısı Viktor Valdes 4 illik fasilədən sonra məşqçi karyerasına qayıdıb.
Sportinfo.az xəbər verir ki, 43 yaşlı mütəxəssis İspaniya IV liqasında çıxış edən “Real Avila”da baş məşqçi postuna gətirilib.
O, klubla 1 illik müqavilə imzalayıb.
Qeyd edək ki, Valdesin son iş yeri 2020/21 mövsümündə rəhbərlik etdiyi “Hurta” olub.
O, futbolçu karyerasını 2017-ci ildə başa vurub. Valdes 2002-2014-cü illərdə “Barselona”da çıxış edib.
O, Kataloniya təmsilçisinin heyətində 6 dəfə İspaniya çempionatını qazanıb, 3 dəfə Çempionlar Liqasının, 2 dəfə isə klublararası dünya çempionatının qalibi olub.
