“Barselona” vingeri Rafinyanın yeni müqaviləsi üzrə razılığa gəlməkdə çətinlik yaşayır.
Sportinfo.az “sport.es”-ə istinadən xəbər verir ki, braziliyalı futbolçu yeni müqavilənin iki əsas şərti ilə razı deyil.
Birincisi, yeni sözləşmənin müddəti, ikincisi isə maaş məbləği.
“Barselona” oyunçusuna 1+1 şərti ilə müqavilə təklif etsə də, Rafinya dərhal 2 illik yeni anlaşma istəyir. Hazırda onun mövcud müqaviləsi 2027-ci ilə qədər qüvvədədir.
28 yaşlı futbolçu cari mövsümdə “Barselona”nın heyətində 49 oyun keçirib, 30 qol və 23 məhsuldar ötürmə ilə yadda qalıb.
