“Real Madrid”in məşqində müdafiəçi Antonio Rudiger və yarımmüdafiəçi Cud Bellingem arasında dava düşüb.
Sportinfo.az xəbər verir ki, bu barədə “Daily Mail” məlumat yayıb.
Bildirilib ki, məşq zamanı futbolçulardan biri digərinə qarşı sərt hərəkət edib. Bu səbəbdən Rudiger və Cud arasında gərginlik yaşanıb.
Komanda yodaşlarının müdaxiləsindən sonra futbolçuları sakitləşdirmək mümkün olub.
Aprelin 16-da “Real Madrid” Çempionlar Liqasının 1/4 final mərhələsinin cavab matçında “Arsenal”ı qəbul edəcək. İlk oyunda London klubu 3:0 hesabı ilə qalib gəlib.
