“Real”ın hücumçusu Vinisius Junior hələ də Səudiyyə Ərəbistanı çempionatı klublarının maraq dairəsindədir.
Sportinfo.az xarici KİV-ə istinadən xəbər verir ki, braziliyalı futbolçunun Madriddə qalmaq istəyinə baxmayaraq, “Əl-Əhli” onunla maraqlanmaqda davam edir.
26 yaşlı Vinisiusun “kral klubu” ilə hazırkı müqaviləsinin müddəti 2027-ci ilin ortalarına kimi hesablanıb. O, bu mövsüm “Real”ın heyətində 44 matçda meydana çıxıb, 19 qol vurub və 11 məhsuldar ötürmə edib.
