Argentinalı sabiq hücumçu Xavyer Saviola 2007-ci ildə “Barselona”dan sonra “Real”a keçidi ilə bağlı xatirələrini bölüşüb.
Sportinfo.az AS-a istinadən xəbər verir ki, keçmiş futbolçu həmin vaxt təklifi uzun müddət düşünmədiyini bildirib:
“Barselona” ilə müqaviləm bitmişdi və “Real”la anlaşma imzalamaq imkanı yarandı. “Real”ın təklifini uzun müddət düşünmədim.
Belə böyük bir klubun tarixinə qoşulmağı rədd edə bilməzdim. “Real”ın bir hissəsi olmaq çox böyük bir fürsət idi. Buna görə, transfer danışıqları tez keçdi”.
Saviola 2001-2007-ci illər arasında “Barselona”nın formasını geyinib, 2007-2009-cu illərdə isə “Real”da çıxış edib.
