“Barselona”nın qapıçısı İnaki Penya yay transfer pəncərəsində komandanı tərk edəcək.
Sportinfo.az xəbər verir ki, bu barədə “Diario Sport” nəşri məlumat yayıb.
26 yaşlı futbolçu ilə İspaniya La Liqasının iki təmsilçisi maraqlanır. Söhbət “Betis” və “Selta”dan gedir.
Penya bu mövsüm bütün yarışlarda 22 matçda meydana çıxıb, 25 qol buraxıb və 6 oyunda qapısını toxunulmaz saxlaya bilib.
Onun “Barselona” ilə hazırkı müqaviləsinin müddəti 2026-cı ilin yayında başa çatacaq.
