“Real Madrid” “Liverpul”un futbolçusu Trent Aleksandr-Arnoldla şifahi razılıq əldə edib.
Sportinfo.az xəbər verir ki, bu barədə “Cadena Ser” nəşri məlumat yayıb.
Madrid klubu 26 yaşlı sağ cinah müdafiəçisi ilə 4 illik müqavilə imzalayacaq. İspaniya klubunda bu transferi artıq başa çatmış hesab edirlər.
Bildirilir ki, İngiltərə millisinin üzvü “Liverpul”la bu mövsümün sonunda bitən müqaviləni uzatmaqdan imtina edib.
Trent bu mövsüm İngiltərə təmsilçisinin heyətində 35 matça çıxaraq 3 qol vurub və 7 qolun ötürməsini edib.
“Transfermarkt” portalına görə, futbolçunun transfer qiyməti 75 milyon avrodur.
