İspaniya Futbol Federasiyasının Apelyasiya komitəsi “Real”ın futbolçusu Cud Bellingemin iki oyunluq cəzasının ləğvi ilə bağlı müraciətini rədd edib.
Sportinfo.az xəbər verir ki, ingiltərəli yarımmüdafiəçi La Liqada növbəti iki matçı buraxmalı olacaq.
O, “Jirona” və “Betis”lə matçda komandasına kömək edə bilməyəcək.
İspaniya La Liqasının 24-cü turunun “Real” – “Osasuna” matçında (1:1) hakim Montero Madrid təmsilçisinin yarımmüdafiəçisi Bellingemin onu təhqir etdiyi bildirərək birbaşa qırmızı vərəqə göstərmişdi.
Ona görə də 21 yaşlı oyunçu 2 oyunluq cəzalandırılıb.
