“Barselona”nın baş məşqçisi Hans-Diter Flik müdafiəçi Jül Kundenin cəzalandırılması ilə bağlı danışıb.
Sportinfo.az xəbər verir ki, almaniyalı mütəxəssis son oyundan sonra keçirilən mətbuat konfransında Kundenin əsas heyətdə yer almamasının səbəbini belə əsaslandırıb:
“Kunde toplantıya gecikdi, ona görə də o, əsas heyətdə deyildi. Oyundan əvvəl iki-üç görüş keçiririk.
Məncə, vaxtında gəlmək o qədər də çətin deyil. O, bu görüşlərə gecikdi. Bizdə aydın bir qayda var. Bu baş verməməlidir”.
Fransalı futbolçu kataloniyalıların minimal hesablı qələbəsi ilə (1:0) başa çatan “Rayo Valyekano” ilə matçda start heyətində yer almayıb. Flik onu matçın 66-cı dəqiqəsində meydana buraxıb.
