La Liqada 24-cü tura yekun vurulub.
Sportinfo.az xəbər verir ki, turun son oyununda “Barselona” evdə “Rayo Valyekano” ilə qarşılaşıb.
Kataloniya təmsilçisi matçda minimal hesabla qalib gəlib - 1:0. Qarşılaşmada yeganə qolu 28-ci dəqiqədə penaltidən Robert Levandovski vurub.
Bununla da “Barselona” xallarının sayını 51-ə çatdıraraq “Real Madrid”ə çatıb və əlavə göstəricilərə görə “kral klubu”nu qabaqlayaraq liderliyə yüksəlib.
“Rayo Valyekano” isə 35 xalla yarış cədvəlinin 6-cı pilləsində qərarlaşıb.
