"Atletiko" "Barselona"nın futbolçusu Kleman Lanqleni transfer etməyi planlaşdırır.
Sportinfo.az "Marca"ya istinadən xəbər verir ki, Madrid təmsilçisi 29 yaşlı mərkəz müdafiəçinin transfer hüququna sahib çıxmaq üçün qarşı tərəflə danışıqlara başlayıb.
"Atletiko" "Barselona”ya təxminən 10 milyon avro təklif edəcək.
Lanqle bu mövsüm bütün turnirlərdə 13 matçda iştirak edib, 2 qol vurub.
29 yaşlı fransalı mövsümün əvvəlində bir mövsümlük "Atletiko"ya icarəyə verilib.
O, "Nansi", "Sevilya", "Tottenhem", "Aston Villa" komandalarında oynayıb.
