“Barselona” “Bavariya”nın sol cinah müdafiəçisi Alfonso Devislə maraqlanır.
Sportinfo.az bu barədə “Mundo Deportivo”ya istinadən xəbər verir.
Mənbənin məlumatına görə, Kataloniya təmsilçisinin əzəli rəqibi “Real Madrid” futbolçunu növbəti transfer pəncərəsində almaq istəyir və artıq danışıqlar aparır.
Devis “Bavariya”nın heyətinə 2019-cu ildə qoşulub. Futbolçunun klubla hazırkı müqaviləsi 2025-ci ilin iyun ayına qədərdir. O, bu mövsüm 21 matçda iştirak edib, bir qol və üç məhsuldar ötürmə ilə yadda qalıb.
"Transfermarkt” portalına görə, futbolçunun transfer qiyməti 50 milyon avrodur.
