“Real Madrid”in ulduzu Vinisius Juniorun PSJ ilə ilkin müqavilə imzaladığı iddia edilir.
Sportinfo.az xəbər verir ki, bu barədə “Mundo Deportivo” ekskluziv məlumat yayıb.
Bildirilib ki, Qətərdə keçirilən “Globe Soccer Awards” mükafatlandırma mərasimindən sonra şəxsi təyyarə icarəyə götürən Vinisius Milad tətili üçün Çinin Uhan şəhərinə uçub.
Forvard elə burada PSJ təmsilçiləri ilə görüşərək müqavilə imzalayıb.
Məlumata görə, müqavilədə Vinisiusun 10 mövsüm Fransa klubunda çıxış edəcəyi bildirilib.
Onun PSJ-yə keçidində isə Neymarın vasitəçi olduğu deyilir.
Hətta futbolçunun geyinəcəyi formanın rəqəmi də bəlli olub. 24 yaşlı hücumçu 77 nömrəli formada çıxış edəcək.
O da qeyd olunub ki, futbolçu üçün Fransanın paytaxtında təntənəli təqdimat mərasimi keçiriləcək.
Vinisiusun Səudiyyə Ərəbistanının “Əl-Əhli” klubuna keçəcəyi ilə bağlı məlumat yayılmışdı.
