"Çelsi" nin və Argentina millisinin yarımmüdafiəçisi Entso Fernandesin keçmiş həyat yoldaşı Valentina Servantes ilk dəfə münasibətləri ilə bağlı danışıb.
Sportinfo.az xəbər verir ki, Valentina Entsonun karyerasının əvvəlində onun maaşı ilə yaşadıqlarını söyləyib:
"Entso "River Pleyt"in əvəzedici komandasında karyerasına başlayanda mən əvvəlcə restoranda, sonra isə operator mərkəzində işlədim. O zaman ondan daha çox qazanırdım və bütün qazancımı xərclədim.
"Benfika"ya və sonra "Çelsi"yə köçdükdən sonra hər şeydən əl çəkib onunla getməli oldum. Uzun müddət yaxşı idik, problem yox idi. Bir gün gəldi və hər şeyin bitdiyini söylədi".
Son məlumata görə, 23 yaşlı futbolçu indi argentinalı reper və müğənni Nikki Nikolla görüşür.
