“Real”ın müdafiəçisi Antonio Rüdiger İspaniya çempionatının 17-ci turunda keçirilən “Barselona” – “Leqanes” matçının nəticəsinə gülüb.
Sportinfo.az xarici KİV-ə istinadən xəbər verir ki, “Red Bull”un tədbirinə qatılan almaniyalı futbolçu əsas rəqiblərinin fiaskosuna gülüşlə reaksiya verib.
Rüdigerin telefonunda “Barselona”nın matçının hesabını göstərdiyi və nəticəyə güldüyü video ortaya çıxıb.
Kataloniyalılar doğma meydanda 0:1 hesablı sensasiyalı məğlubiyyətlə üzləşib.
“Barselona” 38 xalla La Liqanın turnir cədvəlinə başçılıq edir. “Real” 37 xal toplayıb və 3-cü pillədə qərarlaşıb.
