“Barselona”nın futbolçusu Rafinya Dias Kataloniya klubunun tarixinin ən yaxşı heyətini açıqlayıb.
Sportinfo.az xarici KİV-ə istinadən xəbər verir ki, braziliyalı futbolçunun fikrincə, Viktor Valdes qapını qorumalıdır.
Rəmzi komandada keçmiş müdafiəçilər Karles Puyol, Jordi Alba və Jerar Pike də yer alıb.
Rafinya, yarımmüdafiədə Serxio Buskets, Xavi, Andres İnyesta və kumiri Ronaldinyonu yerləşdirib. Ona görə, “Barselona” tarixinin ən yaxşı hücumçuları Lionel Messi, Luis Suares və Neymar üçlüyüdür.
27 yaşlı futbolçu yaxşı mövsüm keçirir, heyətin əsas oyunçusuna çevrilib. O, 17 oyun keçirib, 12 qol vurub və 10 məhsuldar ötürmə edib.
