“Dinamo Zaqreb”in futbolçusu Martin Baturina “Real Madrid”in transfer təklifini geri çevirib.
Sportinfo.az xəbər verir ki, bu barədə “Sky Sport” məlumat yayıb.
İspaniya klubu 21 yaşlı xorvatiyalı yarımmüdafiəçini iki illik icarəyə götürmək istəyib. Lakin o, uzun müddət icarədə olmasını istəmədiyini bildirib.
Bundan başqa, futbolçu ilə “Barselona”, “Atletiko Madrid” və “Mançester Yunayted” də maraqlanır.
Martin Baturina bu mövsüm Zaqreb “Dinamo”sunun heyətində 17 oyuna çıxaraq iki qol vurub və 7 qolun ötürməsini edib.
“Transfermarkt” portalına görə, onun transfer dəyəri 20 milyon avrodur.
