“Barselona”nın vingeri Rafinya Dias İspaniya çempionatının 13-cü turunda “Real Sosyedad”a məğlubiyyətdən (0:1) sonra komandanın hücumçusu Robert Levandovskinin ləğv edilmiş qolunu ələ salıb.
Sportinfo.az xəbər verir ki, braziliyalı futbolçu sosial mediada uzun ayaqqabılı fotonun komik kollajını və Levandovskinin ofsaydda tutulduğu anı göstərən yayımın skrinşotunu yerləşdirib.
36 yaşlı hücumçu 14-cü dəqiqədə “Real Sosyedad”ın qapısını yol tapsa da, yarımavtomatik ofsayd sistemi ilə polşalı forvardın qolu qeydə alınmayıb.
