“Liverpul” çempionluq şansını artırmaq üçün qış transfer pəncərəsində heyətini gücləndirmək istəyir.
Sportinfo.az xarici KİV-ə istinadən xəbər verir ki, İngiltərə klubu “Real”ın yarımmüdafiəçisi Orelyen Tçuameni ilə maraqlanır.
Madrid klubu fransalı futbolçunu 100 milyon funt sterlinqə (119 milyon avro) sata bilər. “Qırmızılar” heyətin gücləndirilməsi üçün ciddi məbləğdə pul ödəməyə hazırdırlar.
Tçuameni bu mövsüm bütün turnirlərdə 14 matçda iştirak edib və qol vurmayıb. Onun klubla müqaviləsi 2028-ci ilin yayına kimi nəzərdə tutulub.
