“Barselona”nın vingeri Lamin Yamal son “el klasiko”da “Real” azarkeşlərinin ona ünvanladığı irqçi şüarlara münasibət bildirib.
Sportinfo.az “Marca”-ya istinadən xəbər verir ki, ispaniyalı futbolçu azarkeşlərin axmaq şeylər qışqırmasının onu maraqlandırmadığını bildirib:
“Mən meydandayam və qollarımı qeyd edirəm. Azarkeşlərin axmaq şeylər qışqırması məni maraqlandırmır.
Əksinə, sənin haqqında belə danışırlarsa, deməli, sən həqiqətən yaxşısan”.
“Real” – “Barselona” matçı ötən həftəsonu “Santyaqo Bernabeu” stadionunda baş tutub. Kataloniya komandası rəqibini 4:0 hesabı ilə darmadağın edib. Qollardan birini Yamal vurub.
