İspaniya mətbuatı La Liqanın 11-ci turunun “Real” – “Barselona” qarşılaşmasından (0:4) sonra Madrid klubunun hücumçusu Kilian Mbappenin çıxışını tənqid edib.
Sportinfo.az AS nəşrinə istinadən xəbər verir ki, mətbuat fransalı futbolçunun zəif çıxış etdiyini yazıb:
“Mbappenin debütü “el klasiko”da uğursuz oldu. O, zəif oynadı və səkkiz dəfə ofsaydda qaldı. Mbappe qorxaq görünürdü”.
Mbappe bu ilin yayında Madrid klubuna qoşulub. Tərəflər arasında 5 illik müqavilə imzalanıb.
25 yaşlı hücumçu La Liqanın cari mövsümündə 10 matçda 6 qol vurub.
