“Las Palmas”ın yeni baş məşqçisi məlum olub.
Sportinfo.az klubun mətbuat xidmətinə istinadən xəbər verir ki, Dieqo Martineslə 2025-ci ilin yayına qədər olan müqavilə imzalanıb.
Martines bir gün əvvəl istefaya göndərilən Luis Karrionu əvəz edib. Onun son iş yeri 2023-cü ilin iyulundan dekabrına kimi rəhbərlik etdiyi “Olimpiakos” (Yunanıstan) olub.
43 yaşlı mütəxəssis buna qədər “Espanyol”, “Qranada”, “Osasuna” və digər klublarda çalışıb.
“Las Palmas” 9 turdan sonra La Liqada 3 xalla 20-ci pillədə qərarlaşıb.
