“Barselona”nın prezidenti Xuan Laporta almaniyalı mütəxəssis Hans-Diter Flikin baş məşqçi kimi fəaliyyəti ilə bağlı fikirlərini bölüşüb.
Sportinfo.az AS-a istinadən xəbər verir ki, klub prezidenti Flikin əla iş gördüyünü bildirib:
“Flik əla iş görür. O, uzun müddət komandanı öyrənib. İndi komandanın heyəti çox yüksək qiymətləndirilir. Bu, maddi imkanlarımızın bərpası üçün vacibdir”.
“Barselona” İspaniya çempionatının 7 turundan sonra 21 xal toplayıb və turnir cədvəlinə başçılıq edir.
