.jpg)
“Real”ın müdafiəçisi Dani Karvahal İspaniya çempionatının başlanğıcında komandasının “Barselona”dan geri qalması ilə bağlı fikirlərini bölüşüb.
Sportinfo.az xarici KİV-ə istinadən xəbər verir ki, o, hələ qarşıda uzun bir yolun onları gözlədiyini söyləyib:
“Cəmi dörd tur arxada qalıb. Qarşıda bizi uzun bir yol gözləyir.
Sıxılmış bir cədvəl olacaq, matçlar artan konsentrasiya tələb edir. Şübhəsiz ki, “Barselona”nı məğlub etmək şansımız olacaq”.
Madrid klubu dörd turun nəticələrinə əsasən “Barselona”dan 4 xal geri qalır. Karlo Ançelottinin yetirmələri İspaniya çempionatının növbəti oyununda sentyabrın 14-də “Real Sosyedad”la üz-üzə gələcək.
