![75 min adam gəldi, “Real” Mbappeni təqdim etdi – VİDEO+FOTOLAR](https://www.sportinfo.az/media/2024/07/16/kilianzidan2.jpg)
Fransa millisinin hücumçusu Kilian Mbappe “Real” ilə müqavilə imzalayıb.
Sportinfo.az İspaniya mətbuatına istinadən xəbər verir ki, klub bu gün “Santyaqo Bernabeu” stadionunda forvard üçün təntənəli təqdimat mərasimi keçirib.
Mərasimdə 75.000-dən çox tamaşaçı və “Real”ın sabiq baş məşqçisi Zinəddin Zidan iştirak ediblər.
Futbolçu ilə 5 illik müqavilə imzalanıb. O, klubda 9 nömrəli formada çıxış edəcək.
Kilian Mbappe 2017-ci ildən PSJ-də çıxış edirdi. İyunun 3-də “Real” Mbappeni transfer etdiyini açıqlayıb. Futbolçu kluba azad agent kimi keçib.
Madrid “Real”ı ötən mövsüm Çempionlar Liqası, ölkə çempionatı və İspaniya Superkubokunda qələbə qazanıb.