“Mançester Siti”nin baş məşqçisi Pep Qvardiola klubda çalışanlara pul mükafatı verib.
Sportinfo.az bu barədə “The Sun” nəşrinə istinadən xəbər verir.
Təcrübəli mütəxəssis komandanın 60-70 işçisini sevindirib. O, aşpazlara, həkimlərə, mühafizəçilərə və təchizatçıların hər birinə 10 min funt sterlinq ödəyib.
Qvardiola 2016-cı ildən “Mançester Siti”yə rəhbərlik edir. Ötən mövsüm “şəhərlilər” “Arsenal” və “Liverpul”u geridə qoyaraq İngiltərə Premyer Liqasının çempionu olublar.