“Lester”in baş məşqçisi Brendan Rocers İngiltərə Premyer Liqasının 10-cu turunda “Sauthempton”u məğlub etdikləri oyundan sonra fikirlərini bildirib.
Sportinfo.az xəbər verir ki, Rocers, 9:0 hesabıyla bitən görüşü belə şərh edib: “Fasilədə oyunçularıma eyni tempdə davam etmələrini dedim.
“Sauthempton” üçün çətin anlar idi, ancaq biz də işimizi görməliyik. Bu, oyuna hörmətsizlik etdiyimiz anlamına gəlmir. Oyunçularım 2-ci hissəyə hesab 0:0 imiş kimi çıxacaqlarını dedilər. Həqiqətən, istedadlı oyunçularım var və mərhəmətsiz olmağı da öyrənirlər. Çalışmağa davam etməli və daha yaxşı olmalıyıq”.
