“Mançester Siti”nin baş məşqçisi Pep Qvardiola komandanın yarımmüdafiəçisi Kevin De Bruynenin klubun ona yeni müqavilə təklif etməməsinə verdiyi reaksiyaya aydınlıq gətirib.
Sportinfo.az xarici KİV-ə istinadən xəbər verir ki, ispaniyalı mütəxəssis jurnalistlərin bu mövzuda verdiyi sualı qısa cavablandırıb:
“Mən artıq bu qərarın səbəbini izah etmişəm”.
33 yaşlı futbolçunun “Mançester Siti” ilə müqaviləsinin müddəti cari mövsümün sonunda başa çatacaq.
O, 2015-ci ildən bəri “şəhərlilər”in formasını geyinir və bu müddət ərzində 417 oyun keçirərək, 107 qol vurub, 177 məhsuldar ötürmə verib.
