“Betis”də icarə əsasında çıxış edən “Mançester Yunayted”in hücumçusu Antoni “qırmızı şeytanlar”da üzləşdiyi çətinliklərdən danışıb.
Sportinfo.az ESPN-ə istinadən xəbər verir ki, braziliyalı futbolçu “Mançester Yunayted”də çətin günlər yaşadığını bildirib:
“Yalan danışmayacam, “Mançester Yunayted”də çətin günlər yaşadım. Belə olmayıb desəm, bu, yalan olar”.
Antoni cari mövsümdə “Betis”in heyətində 17 oyuna çıxaraq 5 qol vurub və 4 məhsuldar ötürmə edib.
O, “Mançester Yunayted”lə isə 14 matçda iştirak edib və yalnız 1 məhsuldar ötürmə ilə yadda qalıb. Onun “Betis”lə icarə müqaviləsinin müddəti bu il iyunun 30-da başa çatacaq.
